ትንበያታት ብዝሒ ህዝቢ ሰሜናዊ ሽወደን ይጎድል

ዋላ’ኳ ኣብ ሰሜን ሽወደን ቅልጡፍ ናህሪ ምዕባለ እንተሃለወ፡ መንግስቲ ውሳነታት ንምሕላፍ ግዜኡ ኣብ ዝሓለፎ ስታቲስቲክስ ይምርኮስ ብምህላዉ፡ ንወፍሪ ትሕተ ቅርጺ ከምዘይምውል ብምግላጽ ሰብመዚ እቲ ከባቢ ስክፍታኦም ገሊጾም። ስታቲስቲክስ ትንበያ ብዝሒ ህዝቢ ሽወደን ኣብ ዝሓለፉ ትሽዓተ ዓመታት ኣብ ዝትሰላሰሉ ልምዓት ዝተመርኮሰ እዩ። “ኣብ መንጎ ክውንነትን መሰረት ውሳነታትን ዘሎ ጋግ ካብዚ ዝሰፍሐ ኮይኑ ኣይፈልጥን” ይብል ሪካርድ ካርስተድ ዝተባህለ ፖለቲከኛ ሰልፊ ማሕበራዊ ዲሞክራት ኣብ ፈጻሚት ሽማግለ ዞባ ቬስተርቦተን። እዚ እናኾነ 41% ሽወደናውያን ሓደገኛ መጠን ኣልኮላዊ መስተ ይሰትዩ ምህላዎም ተሓቢሩ። ነዚ ዝገለጸ ሓድሽ ጸብጻብ ቤት ምኽሪ ሓበሬታ ኣልኮላዊ መስተን ካልእ መድሃኒታትን ሽወደን (CAN) እዩ ። ገደብ ሓደገኛ ኣልኮላዊ መስተ ኣብ ወርሒ መስከረም ክወርድ ከም እተገብረ ዝፍለጥ’ዩ።