ሽወደን ናብ ኔቶ ድሕሪ ምጽንባራ መጥቃዕቲ ሳይበር እናወሓደ ይመጽእ

ሽወደን ናብ ኔቶ ካብ እትጽንበር ንደሓር፥ ኣብ ልዕሊኣ ዝፍጸም ዝነበረ መጥቃዕቲ ሳይበርን ወፍሪታት ምዝራን ከም ዝነከየ ሓያሎ ክኢላታት ድሕነት ሳይበር ንኣገልግሎት ዜና ሬድዮ ሽወደን ኣረጋጊጾም። ኣብ ትካል ትሩሰክ ክኢላ ጒዳያት ድሕነት ሳይበር ማርከስ ሙረይ፡ “እዞም ባእታታት ምናልባት ኣብ ክንዲ ናብ ኔቶ ንጽንበር ካልእ ክንውስን ጽልዋ ከሕድሩልና ይደልዩ ኔሮም ይኾኑ እዮም” ይብል። ከምኡ’ውን ብመሰረት ጸብጻብ ኤጀንሲ ምክልኻል ስነ-ኣእምሮኣዊ ጥዕና ሽወደን፡ ሽወደን ነቲ ተፈሪዱ ኣብ ቤት ማሕቡስ ዝጸንሐ ኢራናዊ ገበነኛ ኲናት ሓሚድ ኑሪ ነጻ ድሕሪ ምውጽኣ፡ ከም ኣካል ናይቲ ኣብ መንጎ ክልቲአን ሃገራት (ማለት ሽወደንን ኢራንን) ዝተኻየደ ምልውዋጥ እሱራት፡ ካብ ኢራን ዝብገስ ወፍሪ መጥቃዕቲ ሳይበር ብንጹር ከም ዝነከየ እዩ ዝሕበር ዘሎ