ሶሻል ዲሞክራትስ ብምኽንያት ዕንደራ ሎተሪ ብብርቱዕ ይንቀፍ

ሰልፊ ማሕበራዊ ዲሞክራትስ ኣብ ሎተሪ ዝተመርኮሰ ጻዕርታት ምትእኽኻብ ገንዘብ የካይድ እዩ ብዝብል ብርቱዕ ነቐፌታ ይወርዶ
ምህላዉ ተፈሊጡ። እዚ ነቐፌታ ዝስዕብ ዘሎ፥ ኣብ ጋዜጣ “ዳገንስ ኒሄተር” ንኣረጋውያን ዓማዊል ዒላማ ዝገበረ ሜላታት
መሸጣ ምህላዉ ድሕሪ ምቅላዑ እዩ። እቲ ሰልፊ ብወገኑ ንትካላት ወጻኢ ብቴሌማርኬት ኣብ ምዝገባ ሎተሪ ምስታፍ ከም ዘቋርጽ
ዝገለጸ ኮይኑ፥ ዋና ኣካያዲ ስራሕ ናይቲ ኩባንያ ካብ ስርሑ ተሰጒጉ’ሎ።
ብኻልእ ዜና ኣብ ትካል ማሕበራዊ መድሕን ዝቐርቡ ጠለባት ናይ ዘድሊ ናይ መስርሕ ግዜ ካብቲ ልሙድ ዝነውሐ ኮይኑ ይቕጽል
ኣሎ ተባሂሉ። ምኽንያት ናይዚ ምድንጓይ ኣብቲ በዓልመዚ ድሕሪ ዝተገብረ ምጉዳል ሰራሕተኛታት እዩ። ንመልዕሎ ኣባይቲ፡
ኣመልኪታ ኣገልግሎት ዜና ሬድዮ ሽወደን ከም ዝጸብጸበቶ እንተኾይኑ፡ ሕጂ ብማእከላይ ገምጋም ክሳብ ሓደ ውሳነ ዝውሰድ
ሰለስተ ኣዋርሕ ይወስድ ኣሎ። እዚ ድማ ዓሚ ኣብ ትሕቲ ሓደ ወርሒ ይውድእ ምንባሩ ብምንጽጻር እዚ ግዜ ብርግጽ ብዙሕ
ምድንጓይ ዘለዎ ምዃኑ ተመልኪቱ’ሎ።