ሽወደን ምስ ኢራን ዝገበረቶ ምልውዋጥ እሱራት ነቐፌታ የስዕብ

ዮሃን ፍሎደሩስን ስዒድ ዓዚዚን ድሕሪቲ ዝሓለፈ ቀዳም ምስ ኢራን ዝተሳለጠ ምልውዋጥ እሱራት ሕጂ ናብ ሽወደን ተመሊሶም ኣለዉ። ክልቲኦም ኣብኡ ንነዊሕ እዋን ተኣሲሮም ምጽንሖም ዝፍለጥ እዩ። መንግስቲ ነቲ ምልውዋጥ ብኸመይ ኣካዪድዎ ዝብል ግና ነቐፌታታት የውሕዝ ኣሎ፡፡ ብፍላይ ድማ ኣብ ኢራን ብገበናት ኲናትን ገበናት ኣንጻር ሰብኣውነትን ንዕድመ ልክዕ ማእሰርቲ ዘሕልፍ ዝነበረ ሓሚድ ኑሪ ንኽልቲኦም ሽወደናውያን ንምልዋጥ ዝተወስደ ውሳነ ኣዘራራቢ ኮይኑ ቀጺሉ’ሎ። ቀዳማይ ሚኒስተር ኡልፍ ክሪስተርሾን፡ እቲ ውሳነ ከቢድ ከምዝነበረ፡ እንተኾነ ግን መንግስቲ ህይወት ሽወደናውያን ንምድሓን ዝወሰዶ ምርጫ ከም ዝኾነ ይገልጽ።