Credit: Christine Olsson/TT
ሽልማት ኖቤል ፊዚክስ ንሳይንቲስት ን ኣመሪካዊ ጆን ሆፕፊልድን ከምኡ’ውን ካናዳዊ ብሪጣንያዊ ጀፍሪ ሂንተንን ተዋሂቡ።
መጽናዕቶም ንሓደ ካብ ጨንፈራት ኣርቲፊሻል ኢንተሊጀንስ ዝኾነ ማሺን ለርኒንግ ዓብዪ መሰረት ዘንጸፈ እዩ ክብል ሮያል ኣካዳሚ
ሳይንስ ሽወደን ኣፍልጦ ሂብዎም ኣሎ። ማሽን ለርኒን፡ ኮምፒዩተራት ንነፍሲ ወከፍ ዕማም ግሁድ ፕሮግራም ከይተገብረለን ካብ ዳታ
ክመሃራን ትንበያታት ወይ ውሳነታት ክወስዳን ዘኽእለን ስርዓታትን ኣልጎሪዝምን ኣብ ምህናጽ ዘተኮረ ጨንፈር ኣርቲፊሻል
ኢንተለጀንስ (AI) እዩ። በዚ ኣበርክቶኡ ሓደ ሓደ ግዜ “ኣቦ ኣርቲፊሻል ኢንተሊጀንስ” ተባሂሉ ዝጽዋዕ ሂንተን፡ በቲ ዓወት ከም
እተገረመ ድሕሪ ምግላጽ ነቲ ትካል ኣመስጊኑ’ሎ።
