Credit: Oscar Lundberg/Roine Hall
ኣብ ዝሓለፉ ሒደት ሳምታትት ኣብ ስቶክሆልም፡ ሰረቕቲ ገለ ዓይነት ፈሳሲ ተጠቒሞም ናብ ኣባይቲ ሰቢሮም ክኣትዉ ምጽንሖም ተፈሊጡ። ፖሊስ፡ ነቲ መዕጸዊ ፓድሎክ ንምብስባስ ዝጥቀሙሉ ፈሳሲ ሓደ ዓይነት ኣሲድ ክኸውን ከም ዝኽእል ግምቶም ሂቦም ኣለዉ። እዚ ኣብ ሽወደን ሰረቕቲ ክጥቀሙሉ ዝጀመሩ ሓድሽ ሜላ ይመስል ክብሉ ፖሊስ ሓቢሮም ኣለዉ። ብኻልእ ዜና ምስ ዝሓለፉ ሃጋያት ብምውድዳር ኣብ ዝሓለፋ ዓሰርተ ዓመታት 30 ዲግሪ ሴንቲግሬድ ሴንቲግሬድን ልዕሊኡን ዘለወን መዓልታት ብዕጽፊ ምውሳኸን ኣገልግሎት ዜና ሬድዮ ኒውስ ሽወደን ሓቢራ። እዚ ውዑይ መዓልታት ኣብ ሽወደን ንሰሜን ገጹ ብዝያዳ ይዝርጋሕ ኣሎ ተባሂሉ’ሎ።
”ደኻም፥ ረስኒን ሕማም ርእሲን ስለዘሎኒ መብዛሕትኡ ግዜ ኣብ ውሽጢ ገዛ እየ ዝጸንሕ፡፡ ብእግሪ ዘወን ክብል ክወጽእ እኝከሎኹ ኣብ ጽላል ክጸንሕን እፍትን እየ” ይብል ወዲ 70 ዓመት ኪኪ ፒተርሰን ኣብዚ ቀረባ እዋን ዝነበረ ውዑይ እዋን ኣመልኪቱ ምስ ሬድዮ ሽወደን ኣብ ዝገበሮ ዕላል
