ፖሊስ ጒጅለታት ገበነኛታት ንምምካት ሓድሽ ኣገባብ ስራሕ ይኽተል

ግዝያዊ ሃገራዊ ፍሉይ ስርሒት ፖሊስ ሽወደን ጎነጽ ጉጅለታት ገበን ንምምካት ዘካየዶ ስራሓት ንቡር ኣካል ናይ ኣኽበርቲ ሕጊ ስራሕ
ኮይኑ ይቕጽል ምህላዉ ተገሊጹ። እቲ ፍሉይ ስርሒት ዝሓለፈ ዓመት ነቲ ኣብ ቀረባ ግዜያት ዝተራእየ ማዕበል ገበናት ጉጅለታት
ንምግጣም ዝተመስረተ ኮይኑ፡ ኣብ ስለያ ዝተመርኮሰ ኣገባብ ቃልሲ ዘተኮረ እዩ። ምክትል ሓላፊ ዞባ ፖሊስ ምዕራባዊ ሽወደን
ሮበርት ካርልሰን፡ እዚ ኣገባባት ፖሊስ ዓመጽ ዝመልኦ ገበን ንኸይፍጸም ዝሕግዝ ምዃኑ ገሊጹ’ሎ። እዚ እናኾነ እቲ ዝሓለፈ
ሓሙስ ኣብ ከተማ ዮተቦሪ ኣብ ልዕሊ ሓደ እስራኤላዊ ኩባንያ ዝተፈጸመ ተኹሲ፥ ምስቲ ዝሓለፈ ሰሙን ኣብ ስቶክሆልም ኣብ
ዝርከብ ኤምባሲ እስራኤል ዘጋጠመ ፍጻመ ዝተኣሳሰር ክኸውን ይኽእል ድዩ ዝብል መርመራ ይገብር ኣሎ። ናብ መእተዊ እቲ
ኩባንያ ገጹ ተኹሲ ክግበ እንከሎ፥ ፖሊስ ድሮ ኣብቲ ቦታ ብምንባሮም ንሓደ ትሕቲ ዕድመ ኮተቴ ኣብ ቀይዲ ኣእትዮሞ። ፖሊስ፡
ኢራን ድሕሪቲ ተኹሲ ክትህሉ ትኽእል ነይራ ዝብል ግምት ኣለዎም ክብል ኣብ ዮተቦሪ ዝርከብ ናይ ውሽጢ ዓዲ ቻነል P4 ሬድዮ
ሽወደን ጸብጺቡ።