ማእከላይ ባንክ ኖርወይ (ኖርየስ ባንክ) ፖሊሲኡ ኣብ 4.5% ጸኒዑ ክቕጽል ከምዝወሰነን፡ “ኣብ ቀጻሊ ንዝተወሰነ ግዜ” ኣብኡ ክጸንሕ ተኽእሎ ከምዘሎን ዝሓለፈ ሓሙስ ኣፍሊጡ። እዚ ምስ ትጽቢት መብዛሕትኦም ስነ-ቑጠባውያን ዝሰማማዕ’ኳ እንተነበረ፡ ገለ ናይ ርብሒት መኽሰብ ክረኽቡ ተስፋ ዝገበሩ ተለቃሕቲ ግን በቲ ውሳነ ምሕዛኖም ገሊጾም ኣለዉ። ኮሚቴ ገንዘባዊ ፖሊሲን ፋይናንሳዊ ምርግጋእን ናይቲ ባንክ ኣቐዲሙ፡ ንኣዋርሕ ካብ ዘይተለምደ ትሑት ደረጃ ድሕሪ ምውሳኽ፡ ኣብዚ ቀውዒ ዋጋታት ከጉድል ከምዝኽእል ኣተንቢሁ ነይሩ። ልዑል ወሰኽ ገንዘብ “ቁጠባ ኖርወይ ንኽድስክል ኣበርክቶ ገይሩ” ዋጋታት ኣባይቲ ግና ጎዲሉ እዩ ክብል እቲ ኮሚቴ ዝሓለፈ ሓሙስ ንግሆ ገሊጹ እዩ፡፡ ሕጂ’ውን ናብቲ ባንክ ዝሓንጸጾ ናይ 2% ሸቶ ጥራይ ስለዘይወረደ፡ ምንቁልቋል ደረጃታት ከምዘይህሉ ተሓቢሩ። ማእከላይ ባንክ’ውን ዝወረደ ባጤራ ክሮና ንምሕያል ዝሕግዝ ስጒምቲታት ክወስድ ኣይደለየን። ዋላ’ኳ ዋጋ ክሮን እንተነከየን “ካብቲ ዝተገመተ ዝደኸመን” እንተኾነ፡ እቲ ኮሚተ “ኣብ ውሽጢ ርትዓዊ ናይ ግዜ ፍልልይ ዋጋታት ኣቕሑን ኣባይቲን ናብ ዝተተለመ ሸቶ ንምውራድ ኣብ ቀጻሊ ንዝተወሰነ ግዜ ጽኑዕ ገንዘባዊ ፖሊሲ ከድሊ እዩ” ክብል እዩ ወሲኑ።
እዚ ድማ እቲ ፖሊሲ ክሳብ መወዳእታ ዓመት ኣብ 4.5% ክጸንሕ ከምዝኽእል ዘመልክት እዩ። እንተኾነ ግና እቲ ባንክ ኣብ ዙርያ ቁጠባዊ ልምዓትን ሸርፊ ክሮናን “ዘይርጉጽነት”ን ስክፍታን ምህላዉ ዘኪሩ’ሎ። ቅድሚ እቲ ኣብ ወርሒ መስከረም ዝካየድ ቀጻሊ ኣኼባ ገንዘባዊ ፖሊሲ ሓድሽ ትንበያታት ክቐርብ እዩ።
