Credit: Nasa, Privat
ኣብ ኣርክቲክ ሽወደን ዝቕጽል ዘሎ ምምካኽ በረድ፡ ተመራመርቲ ስነ-ፍልጠት ሕሉፍ ክሊማ ማርስን ክሊማ እዛ ህይወት ኣልባ
ፕላኔት ብኸመይ ከምዝተቐየረን ንምርዳእ ክሕግዞም ይኽእል እዩ ተባሂሉ። ትካል ጠፈር ኣሜሪካ–ናሳ–ኣብ ሰሜናዊ ሽወደን
ኣብ ዝርከብ ሰንሰለት ኣኽራናት ከብነካይሰ ብዝቐልጠፈ በረድ ዝጽናዓሉ ኲነታት ንምፍጣር መጽናዕቲ መዊሉ’ሎ። ተሓጋጋዚት
ፕሮፌሰር መጽናዕቲ ዩኒቨርሲቲ ሰሜናዊ ኣሪዞና ኣሊሻ ሩትለጅ እዚ ኣብታ ቀያሕ ፕላኔት እናተባህለት ትጽዋዕ ማርስ ዝርከብ በረድ
ንውሕ ዝበለ መጽናዕቲ ምክያዱ እዩ ዝግለጽ። ዕላማ ናይቲ መጽናዕቲ፡ ክሊማ ማርስ ብኸመይ ከም ዝማዕበለ ብዕምቆት
ንምርዳእ ኮይኑ፡ እዚ ድማ ነቲ ኣብ ምድሪ ዝቕየር ዘሎ ክሊማ ብዝበለጸ ንምፍላጥ ክሕግዝ ይኽእል እዩ ተባሂሉ’ሎ።
