ምምሕዳራት ከተማ ኣብ ሓሳብ “ግብሪ በጻሕቲ” ምርድዳእ ይስእና

ፍርቂ ካብተን ብብዝሒ ዝበጽሓ ምምሕዳራት ከተማ ሽወደን በጻሕቲ ናይ ርግጫ ክፍሊት ክፍጽሙ ዝብሉ ሓሳብ ብኣዎንታ ከም ዝርእያኦ ኣብዚ ቀረባ እዋን ቴሌቪዥን ሽወደን ዘካየዶ መጽናዕቲ ኣመልኪቱ። ኣብ ገለ ከባቢታት ኤውሮጳ ንበጻሕቲ ዓዲ ተወሳኺ ግብሪ ከም ዝኸፍሉ ምግባር ልሙድ ኣሰራርሓ እኳ እንተኾነ ምምሕዳራት ሽወደን ግና እዚ ክገብራ ብሕጊ ከም ዘይፍቀደለን ዝፍለጥ እዩ። ሜይት ፎህሊን ሓላፊት ሰልፊ ማሕበራዊ ዲሞክራሲ ኣብ ዞባ ጎትላንድ ኮይና፣ ኣብቶም ናብታ ደሴት ዝበጽሑ ተወሳኺ ክፍሊት ክፍጽሙ ከም እትደሊ እያ ትገልጽ። እዚ ክፍሊት ኣብ እዋን ሓጋይ ኣገልግሎታት ንምኽፋል ክውዕል ይኽእል እዩ ክትብል ወሲኻ ኣመልኪታ’ላ።

ኣብ ምዕራባዊ ገማግም ሽወደን ኣብ እትርከብ ደሴት ኦሩስት ዝቕመጥ መራሒ ሰልፊ ማእከላይ ሰልፊ ኣንደርስ ኣርነል ግን፡ ተወሳኺ ግብሪ ኣድላዪ ኣይኮነን በሃላይ እዩ።

”በጻሕቲ ዓዲ ክመጹና ንደሊ ኢና” ከምዚ ዓይነት ኣገባብ ብምትእትታው በጻሕቲ ምጒዳል ኣይንደሊን ኢና–ኢሉ’ሎ።