ማርያ ስቴነርጋርድ ሓዳስ ሚኒስተር ጉዳያት ወጻኢ ኮይና ተሸይማ

ማርያ ማልመር ስቴነጋርድ ካብ ሰልፊ ሞደራት ሓዳስ ሚንስተር ጒዳያት ወጻኢ ኮይና ተሸይማ። ሚንስተር ጒዳያት ወጻኢ ነበር ቶቢያስ ቢልስትሮም፥ ስልጣኑ ብፍቓዱ ድሕሪ ምልቃቑን ካብ ፖለቲካ ንሓዋሩ ክሰናበት ምዃኑን ድሕሪ ምግላጹ እያ ማርያ ማልመ ስተነጋድ ናብዚ መዝነት ተሸይማ ዘላ። ቀዳማይ ሚኒስተር ሽወደን ኡልፍ ክሪስተርሰን ነዚ ዝገለጸ፡ ሎሚ ኣብ መኽፈቲ ኣኼባ ባይቶ ሽወደን–ሪክስዳግ–ኣብ ዝሃቦ መግለጺ ፖሊሲ መንግስቲ’ዩ። ማልመር ስቴነርጋርድ ካብ 2022 ጀሚሩ ሚኒስተር ስደተኛታት ሽወደን ኮይና ከተገልግል ጸኒሓ’ላ። ንሳ ናብ ሚኒስትሪ ጒዳያት ወጻኢ ምስ ተዛወረት፥ ሚኒስተር ረድኤትን ንግድ ወጻኢን ዮሃን ፎርሰል ነቲ መዝነት ኢሚግሬሽን ክርከብ እዩ