ልቓሕ ትሕጃ ዝወስዱን ዓቖርትን ምስ ባንክታት ብብዝሒ ክዘራረቡ ጻውዒት ቀሪቡ

ባንክታት ሽወደን ኣብቲ ንዓማዊለን ዝህብኦ መጠን ልቓሕ ትሕጃ ይዓቢ ከምዘሎ ሓድሽ ጸብጻብ በዓል መዚ ተቖጻጻሪ ፋይናንስ ሽወደን ኣመልኪቱ። ልቓሕ ትሕጃ ወይ ዕቋር ዘለዎም ዓማዊል ባንክታት፡ ንደረጃታቶም ብብዝሒ ክደራደሩን ንባንክታት ዝቕይሩ ክፉታት ክኾኑን ከምዘለዎም እቲ ጸብጻብ ወሲኹ ኣመልኪቱ’ሎ።

“ተጠቀምቲ፡ ኣብ መወዳእታ፡ ንልቓሕ ትሕጃ ብዙሕ ይኸፍሉ፡ ብሕሳብ ዕቋር ድማ ኣዝዩ ውሑድ ይረኽቡ ኣለዉ” ክብል ኣብቲ በዓል መዚ ክኢላ ስነ-ቑጠባ ሓለዋ ተጠቀምቲ ሞኣ ላንገማርክ ይገልጽ። እቲ ክኢላ ምስ ባንክታት ቅድሚ ካልኦት ንወሰድቲ ልቓሕ ትሕጃ ኣድለይቲ ምኽርታት ለጊሱ’ሎ።