ወለዶም ልዕለ ክብደት ዝኾኑ ቆልዑ ኣብ ማእከላይ ዕድመ ከራሻት ናይ ምዃን ተኽእሎኦም ብሽዱሽተ ዕጽፊ ዝዛይድ ምዃኑ ሓደ ሓድሽ መጽናዕቲ ሓቢሩ። ሓዲኦም ወላዲ ልዕሊ ክብደት ምስ ዝኸውን ነቲ ተኽእሎ ብሰለስተ ዕጽፊ ከም ዝዛይድ ኣብ ኢጣልያ ቬኒስ ኣብ ዝካየድ ኤውሮጳዊ ጉባኤ ክቐርብ ምዃኑ ተፈሊጡ’ሎ። ዝርዝር ሓበሬታ ቁመትን ክብደትን ኣብ ማእከላይ ዕድመ (40-59 ዓመት) ዝርከቡ ወለዲን ኣብ ተመሳሳሊ ዕድመ ዝርከቡ ደቆምን ጽኑዕ ምትእስሳር ከምዘለዎ እቲ መጽናዕቲ ኣረጋጊጹ’ሎ። ኣብዚ ኣርእስቲ መሪሕ ተመራማሪት ማሪ ሚከልሰን፡ ካብ ክፍሊ ማሕበረሰባዊ ሕክምና ዩኣይቲ ኣርክቲክ ዩኒቨርሲቲ ኖርወይ፡ “ካብ ዝሓለፉ መጽናዕትታት ኣብ መንጎ ወለድን ደቆምን ብዛዕባ ዝኽሰት ልዕሊ ክብደት ናይ ምዃን ተርእዮ ሓያሎ ረቛሒታት ኣበርክቶ ከም ዝገብሩ ንፈልጥ ኢና” ትብል። “ጂናት ኽብደት ሰብነትናን ተቓላዕነትናን ብምጽላው፡ ኣካላትና ስብሒ ንዝፈጥር ከባቢታት ብኸመይ ምላሽ ከም እንህቦን ብምጽላውን ኣገዳሲ ተራ ይጻወቱ እዮም። እቶም ተመራመርቲ ካብቲ ኣብ ኖርወይ ዝካየድ ዘሎ መጽናዕቲ ጥዕና ትሮምሶ ስቱዲ ዝተረኽበ መረዳእታ እውን ኣገዳሲ ግብኣት ከም ዝኾኖም ገሊጾም ኣለዉ።
