እስራኤል ኣብ ልዕሊ ሕዝቦላህ መጥቃዕቲ ትኸፍት

እእስራኤል ብሕዝቦላህ ዝተፈጸመ ሰፊሕ መጥቃዕቲ ሮኬትን ሰብ ኣልቦ ነፈርትን ንምፍሻል ኣብ መላእ ደቡባዊ ሊባኖስ ቅድመ
መጥቃዕቲ ኣካዪደ ክትብል ገሊጻ። ወተሃደራዊ ሓይሊ እስራኤል ኣብ ዝሃቦ መግለጺ፡ ነፈርቲ ውግእ እስራኤል ትማሊ ሰንበት ንግሆ
ብኣሽሓት ዝቑጸሩ ናይ’ቲ ብኢራን ዝድገፍ ዕጡቕ ጉጅለ ዝውንጨፎ ሮኬት ከምዘዕነዋ ሓቢሩ’ሎ። ሕዝቦላህን መሻርኽቱ
ምንቅስቓስ ኣማልን፡ ሰለስተ ኣባላቶም ከምዝተቐትሉ ገሊጾም። ሕዝቦላህ ሕነ ሕነ ቅትለት ሓደ ላዕለዋይ ኣዛዚ ንእስራኤል 320
ሮኬታትን ሰብ ኣልቦ ነፈርትን ናብ እስራኤል ክተኩስ ከምዝኸኣለ ገሊጹ’ሎ። ሰራዊት እስራኤል፡ ሓደ ወተሃደር ሓይሊ ባሕሪ
እስራኤል ከምዝተቐትለ ተኣሚኑ’ሎ። እቲ ምልውዋጥ ተኹሲ ድሕሪ ናይ 10 ኣዋርሕ ተጻብኦታት ዝገንፈለ ኮይኑ፡ እዚ ድማ ናብ
ዝሰፍሐ ኲናት ከይካየድ ስግኣት ፈጢሩ’ሎ።

ኣብ መንጎ እስራኤልን ሓማስን ኣብ ቓዛ ብ7 ጥቅምቲ ኲናት ካብ ዝጅምር ንደሓር መዓልታዊ ኣብ ስግር ዶብ እስራኤልን ሊባኖስን
ምልውዋጥ ተኹሲ ይካየድ ኣሎ።