ሓድሽ ሕጊ ሕብረት ኤውሮጳ ብዛዕባ ምሕዳስ ተፈጥሮ ብዙሕነት ህይወት ንምሕላው ዝዓለመ እዩ።

ሚኒስተራት ኣከባቢ ሕብረት ኤውሮጳ ዝሓለፈ ሰሙን ሓድሽ ሕጊ ምሕዳስ ተፈጥሮ ኣጽዲቖም፡፡ እዚ ሕጊ ሃገራት ነዊሕ ዕድመ ዝገበሩ ኣግራብ ንምሕላውን ዝዓነወ ስነ-ህይወት ንምምላስን ቃል ክኣትዋ ዘግድድ እዩ። ይዂንምበር ሽወደን ኣንጻር እቲ ሕጊ እያ ኣድሚጻ። እቲ ስርዓተ ሕጊ ንዝቕጽሉ ዓሰርተታት ዓመታት ሓድሽ ሸቶታት ዘቐምጥ ኮይኑ፡ ውልቀ ሃገራት ሕጂ ዝጥዕመን ውጥናት ከቕርባ ክልተ ዓመት ክህልወን እዩ።

“ምስ ብዙሕነት ህይወት ብንጥፈት ንምስራሕ ምሉእ ብምሉእ ንደግፍ ኢና፡ እንተኾነ ግን ሚዛን ክንሕሉ ክንጽዕር ከድልየና እዩ” ክትብል ዋና ዳይረክተር ፈደረሽን ኢንዱስትሪታት ኣግራብ ሽወደን ቪቨካ ቤከማን ኣተሓሳሲባ’ላ።  እዚ እናኾነ  እናነከየ ዝኸይድ ዘሎ ቁጽሪ ናይቶም ተሰደድቲ ዓሳታት ባልቲክ ሳልሞን ኣመልኪቱ ምላሽ ንምሃብ፡ ሕጂ ኣብ ሽዱሽተ ሩባታት ሳልሞን ሽወደን፡ ዓሳታት ምግፋፍ ዓሳ ጠቕላላ ደው ምባል ተገይሩ’ሎ። ተመራመርቲ ክሳብ ሕጂ ስቶክ ናይቶም ዝፈርዩ ዓሳታት ንምንታይ ትሑት ምዃኑ ከረድኡ ከምዘይከኣሉ ኣገልግሎት ዜና ሬድዮ ሽወደን ሓቢሩ።

“እቲ ኩነታት ስግኣት ዝፈጥር እዩ” ይብል ኣቦ መንበር ማሕበር ሩባታት ሳልሞን ባልቲክ ቶማስ ጆሃንሰን።