ጕጅለታት ገበን ዴንማርክ ገበን ንምፍጻም ብማሕበራዊ መራኸቢታት ኣቢሎም ሽወደናውያን መንእሰያት ይምልምሉ ኣለዉ ተባሂሉ። እዚኦም ካብ ንኣሽቱ ገበናት ክሳብ ቅትለት ክፈላለዩ ዝበጽሑ እዮም። ፊንላንድን ኖርወይን ምስ ሽወደናውያን ጕጅለታት ዝተኣሳሰሩ ጸገማት ከምዘለወን ኣብ መንጎ ዝተፈላለዩ ሃገራዊ ሓይልታት ፖሊስ ምትሕብባር ከምዘሎን እየን ዝሕብራ።
“ኣብዚ እዋን’ዚ ብዲጂታላዊ ኣገባብ ዝፍጸም ገበናት ጉጅለታት ይውስኽ እዩ ዘሎ። እቲ ጸገም ግን ብዛዕባኡ ዘለና ኣፍልጦ ምስኡ ዝዳረግ ዘይምዃኑ’ዩ” ክብል ኣብ ዩኒቨርሲቲ ሉንድ ክኢላ ገበንን ተሓጋጋዚ ፕሮፌሰርን ዴቪድ ሳውስዳል ገሊጹ’ሎ። ኣብ ሽወደን ዝካየዱ ፈስቲቫላት ሙዚቃ፡ ምስ ስርሒታቶም ዝተኣሳሰር ጉዳያት ክሊማ ንምብዳህ ዝገብርዎ ጻዕሪ እናወሰኸ ይኸይድ ኣሎ። ከም ኣካል ናይዚ ኣትክልቲ ምምጋብ፡ ዝተመስርሑ ክዳውንትን ናይ ወረቐት ፋርኪታን ማንካን ግን ዋላ’ኳ ንተዓዘብቲ ፈስቲቫል ዝያዳ ዘላቒነት ንኽነብሩ ከነቓቕሑ ዝኽእሉ እንተኾኑ፥ ፈነወ ካርቦን ምንካይ ብዙሕ ኣይሕግዙን እዮም። ምስ ዓበይቲ ፈስቲቫላት ዝተኣሳሰር ጉዕዞን መጓዓዝያን ን ፈነወ በካሊ ጋዛት ኣበርክቶ ከምዘለዎም ተሓጋጋዚ ፕሮፌሰር ንግዳዊ ቁጠባ ኤሪክ ሉንድበርግ ይዛረብ።
ኣብ ላንድስክሮና ንሓንቲ ጓል 14 ዓመት ኮተቴ ብምቕታል ዝተጠርጠራ ክልተ መንእሰያት ኣዋልድ፡ ኣብ ክንክን ማሕበራዊ ኣገልግሎት ንነዊሕ እዋን ምጽንሐን ተሓቢሩ። ውድቀት መርበብ ማሕበራዊ ድሕነት ዘስዓቦ እዩ ክትብል ዝሓለፈ ዓመት ከም ኣካል መርመራ መንግስቲ ማሕበራዊ ኣገልግሎታት ብኸመይ ክመሓየሽ ከም ዘለዎ 130 ነጥብታት ዝሓዘ እማመ ዘቕረበት መርማሪት መንግስቲ ካሪና ኦልሰን ገሊጻ’ላ። ሓንቲ ካብተን ጥርጡራት 15 ዝዕድሜኣ ኮተቴ ገበነኛ ከምዘይኮነት ናይ እምነት ክሕደት ቃላ ክትህብ ጸኒሓ’ላ። ወኪል ናይታ ካልኣይቲ ጥርጥርቲ ብዛዕባ ጥርዓና ርእይቶ ካብ ምሃብ ተቖጢቡ’ሎ።
