ገዛእ ጓሎም ዝመረዙ ወለዲ ተፈሪዶም

ሽዱሽተ ንዝዕድሜኣ ጓሎም ብምምራዝ ከምኡ’ውን ኣብ ክፍሊ መሕጸቢ ብምሕያር ዝተጠርጠሩ፡ ኣብ ኤስሎቭ ዝርከቡ ወለዲ፡ብምውራድ ዓብዪ ሃስያን ዘይሕጋዊ ምምንዛዕ ናጽነትን ገበነኛታት ኮይኖም ተረኺቦም። እታ ጓል፡ ”ättika” እናትባህለ ዝለጥ ዓይነት ኣቸቶ ኣገዲዶም የውሕጥዋ ምንባሮም፡ እዚ ድማ ንህይወታ ኣብ ከቢድ ሓደጋ ኣእትይዎ እዩ፡፡ እታ ህጻን ኣብ ዋዜማ ልደት 2022 ኣብ ሉንድ ኣብ ዝርከብ ሆስፒታል ሕክምናዊ ረድኤት ተጌሩላ እዩ። እቶም ወለዳ ነዚ ገበን ኣይወዓልናዮን ብምባል ናይ እምነት ክሕደት ቃሎም እኳ እንተሃቡ ቤት ፍርዲ ኣውራጃ ሉንድ ንሸሞንተ ዓመት ማእሰርቲ ፈሪዱ፡ ነታ ጓል ድማ ካሕሳ ክኸፍሉ ኣዚዙ’ሎ።