ፊንላንድ፥ ጽምዋ መንእሰያት ኣዘራራቢ ዛዕባ ይኸውን

ጽምዋ ኣብ ኩሉ ክፋላት ማሕበረሰብ–ዲሞግራፊ– ስፍሕ ዝበለ ጉዳይ እናኾነ ኣብ ዝኸደሉ ዘሎ እዋን፡ መንእሰያት ብፍላይ ተቓላዕቲ ይኾኑ ምህላዎም ይግለጽ ኣሎ። ሓድሽ ዝተሓትመ “ዛንታታት ጽምዋ” ዘርእስቱ መምርሒ፡ ነዚ እናዓበየ ዝኸይድ ዘሎ ስክፍታ ንምፍታሕ፡ መንእሰያት ዘጋጥሞም ብዛዕባ ዘሎ ጽምዋ ርድኢት ክዓቢን ዓሊሙ ዝተዳለወ እዩ ። ካብ ሓቀኛ ህይወት ተመኩሮታትን ስምዒታትን መንእሰያት ውልቀሰባት ዝተሰርሐት እዚ መምርሒ፡ ብዙሓት መንእሰያት ዘጋጥሞም ቃልስን ኣንጻር ጽምዋ ዝገብርዎ ስቕታዊ ውግእን ዝምስክር እዩ። ኣርቱ ዝተባህለ 17 ዝዕድሜኡ ኣብቲ መምርሒ ኣበርክቶ ዝገበረ ኮተቴ፡ ጽምዋ ሓድሓደ ግዜ ባዶነት ክስምዓካ ከም ዝገብር፡ ኣብ ካልእ እዋን ድማ ቃዝኖት ከም ዝስምዓካ ይገልጽ። እዚ ስምዒታዊ ኣገላልጻ ፡ ንህይወት መንእሰያትን ዕምቆት ጽምዋን ዝገልጽ ኮይኑ፡ ውጽኢታዊ ፍታሕን ደገፍን ብህጹጽ ከምዘድሊ ዘጉልሕ እዩ። እዚ መምርሒ ዝዘርግሖ ሕትመት ድሕሪ እቲ ብሄልሲንኪሚሽን ዝተኻየደ መጽናዕቲ “ስኩል ቱ ቢሎንግ” ዝወጸ ኮይኑ፡ ዘሰክፍ ስታቲስቲክስ ኣቃሊዑ’ሎ። 14% ካብ ተማሃሮ ላዕለዋይ ካልኣይ ደረጃ ትምህርቲ ቀጻሊ ስምዒት ጽምዋ ከምዘለዎም፡ 42% ድማ ንብሕትውናኦም ንምልዋጥ ዓቕሚ ከምዘይብሎም ኮይኑ ይስምዖም ይብል እቲ ሕትመት። ከምዚ ዓይነት ጽምዋ ንነዊሕ እዋን ዝጸንሕ ምዃኑ ኣብ ክልቲኡ ኣእምሮኣውን ኣካላውን ጥዕና ዓቢ ሓደጋታት ስለዘስዕብ፡ እቲ ጉዳይ ኣብዚ ሎሚ ንመንእሰያት ዝጸሉ ዘሎ ሰፊሕ ቅልውላው ጥዕና ኣእምሮ ወሳኒ ረቛሒ ይገብሮ ክብል እቲ መጽናዕቲ ኣስሚሩሉ’ሎ።