ፊንላንድ፥ መንግስቲ ንጥዕና ኣመልኪቱ ዘውጽኦ እማመታት ሰፊሕ ስክፍታታት የለዓዕል

ኣብ ትካል ጥዕናን ድሕነትን ፊንላንድ (THL) ፕሮፌሰር መጽናዕቲታት ኢልሞ ኬስኪምኪ፡ ኣብ ሓደስቲ መንግስታዊ እማመታት ዝተራእየ ምጒዳል ምወላ ክንክን ጥዕና ስክፍታ ምፍጣሩ ገሊጹ። “እዚ እማመ ዘድሊ ፍተሻ ዝተገብረሎም ኣይመስሉን” ክብል ትማሊ ረቡዕ ኣብ YLE A-studio ገሊጹ። ኬስኪማኪ፡ ገለ መዳያት ናይቲ እማመታት፡ መንግስቲ ኣብቲ ኣኼባ እንታይ ከም ዝወሰነ ኣጸቢቑ ከም ዘይተገንዘበ ዝሕብር ኮይኑ፡ ነቲ “ምስ ስነ- ጽባቐ ዝምደብ ፕላስቲክ መጥባሕቲ” ካብ ፍሉይ ክንክን ጥዕና ንምስራዝ ዝቐረበ እማመ ከም ኣብነት ኣመልኪቱ። ከምዚ ዓይነት መጥባሕቲ ፕላስቲክ ከምዘየለ ኣብ ዩኒቨርሲቲ ሄልሲንኪ ፕሮፌሰር ፕላስቲክ መጥባሕቲ ቪርቨ ኮልጆነን ዝሓለፈ ሓሙስ ንሄልሲንጊን ሳኖማት ገሊጻ። መንግስታዊ ጽላት ንስነጽባቐ ተባሂሉ ዝግበር ኣገልግሎት ስነ-ጽባቐዊ መጥባሕቲ ፕላስቲክ ከምዘይህብ ኣብ ክንዳኡ ኣብ ዳግመ ምሕዋይን ምሕዳስን ዘተኲር መጥባሕቲ ጥራይ ከም ዝህብ ኣስሚራትሉ። “ብሃገር ደረጃ ዝተሰማምዓናሎም መትከላት ኣለዉና” ክትብል ነታ ዕለታዊት ጋዜጣ ተዛሪባ።