ፈተነ ቅትለት ዝወደበ፥ ን 18 ዓመት ማእሰርቲ ተፈሪዱ

ኣብ 2021 ኣብ ሱንድቢሪ ኣብ ዝተኻየደ ፈተነ ቅትለት ተሓባባሪ ኮይኑ ዝተረኽበ ሓደ ሰብኣይ ን 18 ዓመታት ክእሰር ተፈሪድዎ።
ብዘይካዚ ምስ ዕጸፋርስ ዝተተሓሓዙ ገበናት እውን ተኸሲኡስ እዩ። ንሱ ንገበነኛታት መርበብ “ፎክስትሮት” ቅትለት ክፍጽሙ
ከም ዝወደበን፥ ዘወሃሃደን ኣጽዋር ምዕዳሉን እዩ ይንገር። እቲ ፈተነ ቅትለት ኣብ ሱንድብሪ ኣብ ለካቲት 2021 ዝተፈጸመ ኮይኑ
እቲ ሰብ ብዝወረዶ ናይ ብረት መጥቃዕቲ ንህይወቱ ዘስግእ ጒድኣት ከም ዝወረዶ ናይ ሽዑ ጸብጻባት የመልክቱ። ብዘይካዚ እዚ ሰብ
ምስ ካልኦት ዝተፈጸሙ ገበናት ርክብ ኣለዎ ብዝብል መርመራ ይግበረሉ’ሎ። ሓደ ካብዚኦም ኣብ ጥሪ 2022 ኣብ ሰሜናዊ
ስቶክሆልም ኡፕላንቨርስፒ ዝተፈጸመ ፈተነ ቅትለት እዩ። ዓሚ ኣብ ግሪኽ ዝተታሕዘ እዚ ገበነኛ ናብ ሽወደን ከም ዝስትለም ከም
እተገብረ–ሬድዮ ሽወደን ኣተሓሒዛ ጸብጺባ’ላ። እዚ ወዲ 28 ዓመት መንእሰይ ነዚ ዝተጠቕሰ ገበን ኣይወዓልኲዎን ክብል ናይ
እምነት ክሕደት ቃሉ ሂቡ’ሎ።