ኩባንያ ቮልቮ፡ ኣብ ካልኣይ ርብዒ ዓመት ናይ 90 ሚልዮን ክሮነር ክሳራ ምምዝጋቡ ሓቢሩ። እዚ ድማ ካብቲ ብሰንኪ ቅልውላው ኮሮና ክስዕብ ዝኽእል ክሳራታት ተባሂሉ ብክኢላታት ተገምጊሙ ዝነበረ መጠን ገንዘብ (149 ሚልዮን ክሮነር) ዝተሓተ ምኻኑ’ቲ ኩባንያ ገሊጹ ክብል ሬድዮ ሽወደን ኣቃሊሑ።
ኣብ ከምዚ እዋን፡ ዝሓለፈ ዓመት፡ ኩባንያ ቮልቮ 14.6 ቢልዮን ክሮነር መኽሰብ ኣመዝጊቡ ምንባሩ ዝዝከር እዩ።
ኣብ ካልኣይ ርብዒ ዓመት፡ መጠን ኣታዊታት መሸጣ ኩባንያ ቮልቮ ካብቲ ብክኢላታት ተገሚቱ ዝነበረ(72.6 ቢልዮን ክሮነር) ብምዝያዱ ክሳብ 73.2 ቢልዮን ክሮነር በጺሑ ኣሎ። ኣብ ካልኣይ ርብዒ ዝሓለፈ ዓመት ግን 120.7 ቢልዮን ክሮነር ናይ መሸጣ ኣታዊታት ከምዝነበሮ ይዝከር።
