ኣብ ዘይምዕሩይነት ሃብቲ ሃገራት ኣተኲሮም ዝሰርሑ ተዓወቲሽልማት ስነ-ቁጠባ ኮይኖም

ንዝኽሪ ኣልፍሬድ ኖቤል ዝወሃብ ሽልማት ሪክስባንክ ሽወደን: ኣብ መዳይ ስነ-ቑጠባ ንዳሮን ኣሴሞግሉ፡ ሳይሞን ጆንሰንን ጀምስ ሮቢንሰንን ተዋሂቡ። ንሳቶም ኣብ ሃገራት ዝረአ ዘይምዕሩይነት ሃብቲ ንምስትኽኻል ብዝገበርዎ ጻዕሪ እዮም ነዚ ዓወት በቒዖም ዘለዉ። ዴሞክራስን መሰል ውነና ንብረትን ካብ ግዜ መግዛእቲ ኣትሒዙ ዝነበረ፥ ንገለ ኣህዛብ ዓቢ ብልጫ ዝሃበን ምዃኑ፡ ድኻታት ሃገራት ግና ኣብዚ መዳይ ድሒረን ዝርከባ ምዃነን ኣብቲ ኣጋጣሚ ተሓቢሩ። ፕሮፌሰር ፖለቲካዊ ሳይንስን ኣባል ኮሚተ ሽልማትን ያን ቴኦረል፡ ስራሕ እቶም ተሸለምቲ “ትካላዊ ፍልልያት ዓብዪ ጽልዋን ፍልልይን ከም ዘምጽእ ኣብ ምርኣይ ግራውንድ ብሬኪንግ ብምንባሩ” ነዚ ሽልማት ምብቅዖም ገሊጹ’ሎ።