መራሒ ሰልፊ ዴሞክራትና ሽወደን የሚ ኦከሰን፥ ዝሓለፈ ወርሒ ኣብ ዝተፈጸመ መርዓኡ ካብ ዝነበሩ ዕዱማት ኣጋይሽ ሓደ
መራሒ ጉጅለ ሞተር ሳይክል ኮማንቸስ ምንባሩ፥ ጸቕጢ ይወርዶ ምህላዉ ተፈሊጡ። ካብ ሽዑ ጀሚሩ ኦከሶን ነቲ ሰብኣይ ጥልቕ
ኢሉ ይፈልጦ ዘይምንባሩ፡ ምስ ኮማንቸስ ዘለዎ ርክብ እንተዝፈልጥ ድማ ኣብቲ መርዓ ኣይምዓደምኲዎን ክብል ገሊጹ እዩ።
ብኻልእ ዜና ኣብ ኡደቫላ ካብ ዝርከቡ ሰለስተ ግዝያውያን ሰራሕተኛታት ክንክን ጥዕና እቶም ሲሶ ኣብ ፈተና ቋንቋ ምምሕዳራት
ከተማ ዘይምሕላፎም ተሓቢሩ። በዚ ድማ ዝኣተዉዎ ውዕል ክቋረጽ ምዃኑ እዩ ዝግለጽ ዘሎ። ሓደ ኣብ ካልእ ቦታ ስራሕ ክረክብ
ከናዲ ዝተገደደ ሓጋዚ ክንክን “ብእቲ ኲነታት ዘሕዝን እዩ” ክብል ገሊጹ’ሎ።
