ኣብ ሆቴል ስቶክሆልም ባርዕ ሓዊ ተኸሲቱ

ትማሊ ምሸት ኣብ ስቶክሆልም ሃማርቢ ስዮስታድ ኣብ ዝርከብ ሆቴል ባርዕ ሓዊ ከምዘጋጠመን ኩሎም ኣጋይሽ ናይቲ ሆቴል ድማ ካብኡ ክወጹ ከም እተገብረን ተፈሊጡ። ፖሊስ ፈለማ ቦምባ ዝተተኮሰ መሲልዎም እኳ እንተነበረ ጸኒሑ ግን ብጉጅለ ቦምባታት ድሕሪ ዝተገብረ መርመራ፡ ኣብቲ ሆቴል ዝሓድር ዝነበረ ሰብኣይ ኣብ ገበላ ናይቲ ሆቴል ኣልኮላዊ መስተን ወረቐትን ብምውላዕ ባርዕ ከምዘለዓዓለ ኣረጋጊጾም ኣለዉ።

እቲ ሰብኣይ ነቲ ባርዕ ሃዊ ብምስዋር ብጥርጣረ ባርዕ ኣብ ትሕቲ ቀይዲ ኣትዩ ኣሎ። ክብ ዜናታት ፖሊስን ገበንን ከይወጻእና ኣብ እዋን ዕረፍቲ ሓጋይ ህጻናትን መንእሰያትን ብጉጅለታት ገበነኛታት ናይ ምምልማል ሓደጋ እናዓበየ ይመጽእ ምህላዉ  ፖሊስ ገሊጾም። ነዚ ንምምካት ፍርቂ ካብተን ብማሕበረ-ቁጠባ ተቓላዕቲ ከባቢታት ዘለወን ምምሕዳር ከተማታት ሽወደን ኣብዚ ሓጋይ ቁጽሪ ንጥፈታት ኣዕብየን ኣለዋ ክብል ኣገልግሎት ሬድዮ ሽወደን ዘካየዶ መጽናዕቲ ኣጣሊሉ’ሎ።