91% ሓደስቲ ብኮሮና ዝተለኽፉ እንግሊዛውያን፡ ብ “ደልታ” ዝተሰምየ ጅር ዝተለኽፉ እዩም፡ ተባሂሉ

91% ካብቶም ኣብዚ ቀረባ እዋን ብቫይረስ ኮሮና ዝልከፉ ዘለዉ እንግሊዛውያን፡ በቲ ብደልታ ዝፍለጥ ሓድሽ ጅር ኮሮና ዝተለኽፉ ምዃኖም፡ ሚኒስተር ጥዕና ሃገረ ብሪጣንያ፡ ማት ሃንኮክ፡ ትማሊ ኣብ ዝገበሮ ጋዜጣዊ መግሊጺ ሓቢሩ ክብል ማዕከን ዜና ተተ ኣፍሊጡ።

ምስፍሕፋሕ ናይዚ ክልተ ግዜ ከም ዝማዕበለ ዝንገረሉ ሓድሽ ጅር ኮሮና፡ ኣስታት 60% ልዕሊ ዕድመ ዝኾኑ እንግሊዛውያን ሓንቲ እብረ ክታበት ወሲዶም እንከለዉ፡ ኣስታት 40% ካብቶም ልዕሊ ዕድመ ዝኾኑ እንግሊዛውያን ድማ ክልተ እብረ ክታበት ወሲዶም እንከለዉ ዘጋጥም ዘሎ እዩ። ይኹን እምበር፡ ዝበዝሑ ሰባት፡ ተጻዋርነት ዘርኣዩ ብምዃኖም፡ ውጽኢት ናይቲ ክታበት ዘርኣየ ኣጋጣሚ ውን እዩ ክብል እቲ ሚኒስተር ገሊጹ።