“30 ሽሕ ሰባት ዕዳ ክስረዘሎም ሓቲቶም” በዓል መዚ ምምሕዳር ዕዳ (Kronofogden)።

በዓል መዚ  ምምሕዳር ዕዳ (Kronofogden) 30 ሽሕ ሰባት ዕዳ ክስረዘሎም ሓቲቶም ይብል።

ኣብዚ ሒዝናዮ ዘለና ዓመተ 2020 ሰላሳ ሽሕ ሰባት ዕዳ ክስረዘሎም ከምዝሓተቱ በዓል መዚ  ምምሕዳር ዕዳ (Kronofogden)ሓቢሩ። እዚ ቁጽሪ ቅድሚ ሕጂ ካብ ዝተመዝገቡ ቁጽሪ እቲ ዝዓበየ ምኻኑ እቲ በዓል መዚ ገሊጹ ክብል ማዕከን ዜና TT ሓቢሩ።

ኣብ ዓመተ 2020  በዓል መዚ  ምምሕዳር ዕዳ 8 ቢልዮን ክራውን ከምዝሰረዘ ኣፍሊጡ። 

“ኣዝዩ ዘሻቅል ነገር ካብቶም ምስራዝ ዕዳ ዝሓቱ ዘለው መብዛሕቶም መንእሰያት ምኻኖምን ቁጠባዊ ኩነታቶም ከማሓድሩ ዘይምኽኣሎምን ክኸውን ከሎ ብተወሳኺ መብዛሕቶም ካብ ስራሕ ደው ዝበሉን ዝሓሸ መጻኢ ዘይረኣዮም ምኻኑ እዩ” ክብል ሓላፊ ክፍሊ ምስራዝ ዕዳ ኣብ በዓል መዚ  ምምሕዳር ዕዳ ዝኾነት ቢር ኦሎፍ ሊንድ ገሊጹ።