ቤት ጽሕፈት በዓል መዚ ኢሚግሬሽን ሽወደን፡ ኣብ ኣተሓሕዛ ጉዳያትን ምሃብ ዉሳነን ዘሎዎ ጉድለት ኣሰራርሓን ብዝምልከት ካብ ወኪል ፍትሓዊ ጉዳያት ሽወደን ማለት Justice Ombudsman ተሪር ነቐፌታ ቀሪብዎ።
እቲ ሓበሬታ ከምዘነጸሮ፡ እቲ በዓል መዚ ካብ ሕቶ ዑቕባ፡ ሕቶ ዜግነትን ካልኦት ምስ ሕቶ ኢሚሬሽን ብዝተታሓሓዙ ጉዳያት፡ ቅልጡፍ ዉሳነ ኣብ ምሃብ ይኹን፡ ኣብ ኣተሓሕዛ ጉዳያት ዘሎ መጠነ ሰፊሕ ጉድለታት ብምጥቃስ ነቐፌትኡ ኣቕሪቡ።
በዓል መዚ ኢሚግሬሽን ኣብ ምሃብ ሓበሬታ፡ ንጉዳያት መልሲ ምሃብ ዝወስዶም ዝተጋነኑ ንዉሓት ግዜ ብፍላይ ከኣ መበገሲ ምኽንያት ናይ ዝህቦም ዉሳኔታት፡ ንሰብ ጉዳያት ኣብ ምርዳእ ዘሎ መሰረታዊ ጉድለት ቀንዲ ናይቲ ዝቐረበ ነቐፌታ ነጥብታት ምዃኖም እቲ ሓበሬታ ኣመልኪቱ።
ከምዝፍለጥ ኣብ ሽወደን ንሕቶ ኢሚግሬሽን ብዘሎ ዝተፈላለየ ፖለቲካዊ ርእይቶ ጥራይ ዘይኮነ ብዝተሓላለኸ ኣሰራርሓ እቲ ቤት ጽሕፈት ኢመግራሽን ተወሲኽዎ ዝተፈላለዩ መረረታት ከስምዑ ምጽንሖም ይፍለጥ።
