11 ዝዕድሜኡ ሓታቲ ዕቚባ ን ተራድኦ “ማይብሎማን” 2 ሚልዮን ክሮና ኣዋህሊሉ።

11 ዝዕድሜኡ ሓታቲ ዕቚባ ሓምድ ማዕሩፍ፥ ን ትካል ተራድኦ “ማይብሎማን” ልዕሊ 2 ሚልዮን ክሮና ኣዋህሊሉ። ንሱ ነዚ
ገንዘብ ዘዋህለለ፥ ኣብ ማሕበራዊ ሚድያ ዝለጠፎ መልእኽቲ ኣዝዩ ብዙሕ ሰብ ድሕሪ ምቅብባሉ እዩ።
“ዝከኣል እንተዝነብር፥ በዚ ዝተረፈ ገንዘብ ፍቓድ መንበሪ ምገዛእኩ” ዝበለ ሓምድ፥ እንተኾነ ግና እዚ ስለ ዘይከኣል፥ ሓድሽ
ክዳውንቲ፡ ጫማን ሞባይልን ክገዝእ ምዃኑ ወሲኹ ሓቢሩ።
ዓመት መጸ፡ ካብ 9-12 ዝዕድሜኦም ህጻናት ስቲከራትን ዕንባባታትን ትካል ተራድኦ “ማይብሎማን” እናሸጡ፥ ገንዘብ ከም
ዘዋህልሉ ዝፍለጥ እዩ። ማይብሎማን ኣብ ሽወደን ብዕድመ ዝዓበየ ትካል ተራድኦ ኮይኑ፡ ትሑት ኣታዊ ካብ ዘለዎም ስድራቤት
ንዝውለዱ ቆልዑ ዝሕግዝ እዩ።