እቲ ብዝሒ ክውስኽ ከምዝኽእል ይእመት ኣብ ቤት ትምህርቲ Kageskolan ክሳብ ሕጂ 10 ኣባላት ብቫይረስ ኮሮና ከምእተለኽፉ ምምሕዳር ሽሊፍትዩ ሓቢሩ ክትብል ሬድዩ P4 Vasterbotten ሎሚ ኣቃሊሓ። ን60 ሰራሕተኛታት እታ ቤት ትምህርቲ መርመራ ናይ ኮቪድ-19 ተኻይዱ ነይሩ። ክሳብ ሕጂ ናይ 25 ሰባት ውጽኢት መጺኡ ኣሎ። ካብቲ ዝመጸ ውጽኢት እቶም 10 ሰባት ብቫይረስ ኮሮና ከም ዝተለኽፉ ተረጋጊጹ ኣሎ።
ንድሕነት ዝተረፉ ሰራሕተኛታትን ተማሃሮን ብዝምልከት ድማ ዘድልዩ ምድላዋትን ስጉምታትን ክውሰድ እዩ። ተማሃሮ ክሳብ ዕለት 04/05/2020 ዘሎ ግዜ ዕረፍቲ ክወሃቡ እዩም ክብል እቲ ምምሕዳር ሎሚ ኣብ ዝተገበሮ ጋዜጣዊ ዋዕላ ሓቢሩ። ኣብ መላእ ምምሕዳር እዚ ከባቢ፡ ኩነታት ናይዛ ቤት ትምህርቲ ፍሉይ ተርእዩ ኮይኑ ኣሎ ክትብል ኣብ ቬስተርቦተን ሓኪም ጸረ ለበዳ ዝኾነት ጎኒላ ቤርሾን ገሊጻ።
