ፖሊስ ን ገበን ተቓላዕቲ ከባቢታት ኣመልኪቱ ዘውጽኦ ዝርዝር የመሓይሽ

ፖሊስ፡ ኣብ ሽወደን ትሑት ማሕበረ-ቁጠባዊ ደረጃ ዘለዎም በዚ ድማ ንገበን ተቓላዕቲ ዝበሃሉ ከምኡ’ውን ንጡፍ ገበናዊ ምንቅስቓስ ዘለዎም ከባቢታት ኣመልኪቱ ዘውጽኦ ዝርዝር ኣመሓይሹዎም። ኣብቲ ዝርዝር ኣርባዕተ ሓደስቲ መዳያት ተወሰኹ፡ ካልኦት ሽዱሽተ ግን ኣብቲ ክልተ ዓመት ዝካየድ ምድላው ተኣልዮም ኣለዉ። ኣስታት 5% ካብ ህዝቢ ሽወደን ኣብዚ ንገበን ተቓላዒ ዝተባህለ ምዱብ ከባቢታት ከም ዝነብር እቲ ዝርዝር ኣመልኪቱ’ሎ። ብተመሳሳሊ ዜና፡ ቅድሚ ሒደት ሰሙናት ኣብ ዶባዊት ከተማ ሃፓራንዳ፡ ኣብ ኖርቦተን ካውንቲ፡ ብብዝሒ ነታጒ ከምዝተታሕዘ ዝምልከት ሓድሽ ዝርዝራት ተቐልቂሉ ኣሎ። 9 ሽሕ ኪሎ ዝምዘን ነታጒ ተረኺቡ’ኳ እንተነበረ፡ ካልኦት ሓያሎ ኣሽሓት ገና ከምዘይጠፍኡ ፖሊስ ይጥርጥር ክብሉ ምንጭታት ንሬድዮ ኒውስ ሽወደን ሓቢሮም። ሕጂ ፖሊስ ኣብ ኢድ ገበነኛታት መንገዳ እንተኣእትዩ ይምርምር ኣሎ።