ፕረዚደንት ሃገረ ማሊ፡ ባ ንዶዋን፡ ቀዳማይ ሚኒስተር ሞክታር ኦዋን፡ ድሕሪ ትማሊ ሶኑይ ብወታሃደራዊ ዕልዋ ኣብ ትሕቲ ቀይዲ ምእታዎም፡ ትማሊ ረቡዕ ካብ ስርሖም ከምዝተሰናበቱ፡ ኣዛዚ ወተሃደራዊ ዕልዋ ዝኾነ ምክትል ቀዳማይ ሚኒስተር፡ ኮሎኔል ኣሲሚ ጎይታ፡ ሓቢሩ ክብል ማዕከን ዜና ተተ ኣቃሊሑ።
ንፕረዚደንትን ቀዳማይ ሚኒስተርን ሃገረ ማሊ፡ ካብ ስረሖም ተሰናቢቶም ኣለዉ። ንዝተጎናጸፍዎ ናጽነትን ሓድሽ መንግስቲ ምምስራትን ብዝምልከት ዝርርብ ይካየድ ከምዘሎን ወሃብ ቃል እቲ ወተሃደራዊ ዕልዋ ዝገበረ፡ ንማዕከን ዜና ሮይተርስ፡ ሓቢሩ።
እዞም ክልተ ሰበ ስልጣን፡ ብወለንትነኦም ካብ ስርሖም ከምዝተሰናበቱ ዝሕብር መርትዖ ከምዘየለ ተፈሊጡ ኣሎ።
ናይ ምዕራብ ኣፍሪቃ ዝኾና ሃገራት፡ ወከልቲ፡ ምስ’ቲ ወተሃደራዊ ዕልዋ ዝገበረ ኣካል፡ ዝርርብ ንምክያድ፡ ናብ ሃገረ ማሊ ኣብ ዝኣተውሉ እዋን፡ እዚ ናይዞም ክልቲኦም ሰበስልጣን ምስንባት መግለጺ ዝወጽእ ዘሎ።
