ፕላውደን ኣብ ምዕራብ ሽወደን መጽሓፍ ቊርኣን ብምቅጻሉ ቊጥዐ ኣለዓዒሉ።

ሕሉፍ የማናዊ መርገጺ ዘለዎ ራሙስ ፓሉዳን፡ ትማል ሓሙስ፡ ኣብ ምዕራብ ሽወደን ኣብ ዝርከባ ከተማታት፡ መጽሓፍ ቊርኣን ምቅጻሉ ቊጥዐ ምፍጣሩ ተገሊጹ። ሰሙናት ይገብር፡ ፓሉዳን ናዕብን ጎነጽን ዝመልኦም ጸረ-እስላማዊ ሰልፊታት ብምክያድ፡ መጽሓፍ ቊርኣን ኣቃጺሉ ኔሩ እዩ። ድርብ ዜግነት ሽወደንን ዴንማርክን ዘለዎ ፓሉዳን፡ መራሒ ሕሉፍ የማናዊ ሰልፊ ሲያን ኮይኑ፡ ኣብ ባይቶ ሽወደን መናብር ንምርክባ ይቃለስ ምህላዉ ዝፍለጥ እዩ። “ሰባት እናበኸዩ ንተረፍ ሕራር ቊርኣን ክስዕሙ ርእየ“ ክትብል ጋዜጠኛ ሬድዮ ሽወደን ማደሌን ቤንትሶን፡ ካብ መደበር ሬድዮ ኹሃዳ ጸብጺባ’ላ።