ኩባንያ ጆሊሩም፡ ንፍርያቱ ዝኾኑ “Moweo Lucas 2 in 1” ዝዓይነቶም ናይ ህጻናት ወንበርን “North 13.5 Maxi Jogger” ዝዓይነተን ናይ ህጻናት መካይንን ካብ ዕዳጋ ክስሕበን ከምዝመደበ TT ሓቢሩ።
ህጻናት ካብቲ ተጠቒሱ ዘሎ ወንበር እንተድኣ ሸተት ኢሎም ንታሕቲ ወዲቖም እሞ ከኣ ብግቡእ ከይተኣስሩ እንተጸኒሖም ናይ ማሕነቕቲ ሓደጋ ከጋጥሞም ከምዝኽእልን እተን መካይን ድማ ተገምጢለን ኣብ ልዕሊ ህጻናት ሓደጋ ከውርዳ ይኽእላ እየን ብዝብል ምኽንያት እዩ ካብ ዕዳጋታት ክሰሓባ ተመዲቡ። ቁጽርታት ናይተን ፍርያት ድማ 884357 ን 884358 እዮም።
ተጠቀምቲ ናይዞም ፍርያት ዝኾኑ ዓማዊል፡ ኣገልግሎት ናይዞም ፍርያት ከቋርጹን ናብቲ ኩባንያ ክመልስዎምን ጆሊሩም ሓቢሩ።
