ፍርቂ ብዝሒ ዜጋታት ሽወደን፡ ንኣንደርሾን ይመርጹ

ካብ ዕለት 4 ክሳብ 9 ናይ ወርሒ ጥቅምቲ፡ ብማዕከን ኖቨስ ኣብ ልዕሊ ካብ 18 ክሳብ 79 ዓመት ዝዕድሚኦም 1080 ዜጋታት ሽወደን ዝተኻየደ ናይ ምርጫ መጽናዕቲ፡ ፍርቂ ብዝሒ ናይቶም ተሳተፍቲ፡ ንማግዳለና ኣንደሾን፡ ቀዳማይ ሚኒስተር ሽወደን ንኽትከውን ከምዝመረጽዋ ጸብጻባት እቲ ማዕከን ሓቢሮም ክብል ማዕከን ዜና ተተ ኣቃሊሑ።

40% ናይቶም ተሳተፍቲ፡ ንኡሉፍ ክሪስተሾን፡ ቀዳማይ ሚኒስተር ሽወደን ክኸውን ክመርጹ እንከለዉ፡ እቶም 10% ድማ ንመን ከምዝመርጹ ከምዘይፈልጡ ሓቢሮም።

እዚ ዝተኻየደ መጽናዕቲ፡ ክሳብ ክንደይ ብዛዕባ ንቀዳማይ ሚኒስተር ንምምራጽ ኣብ ዝካየድ ምርጫ፡ ንጹር ዝኾነ ናይ የማናይን ጸጋማይ ክንፍታት ኣጠማምታ ከምዘሎ እዩ ዝሕብር ክብል ኣካያዲ ስራሕ ማዕከን ኖቨስ፡ ቶርቢዮርን ሾስትሩም፡ ምስ SVT ኣብ ዝገበሮ ርክብ ገሊጹ።