ፈተነ ሚሳይል ሰሜን ኮርያ ዘርኢ ናይ ሳተላይት ስእሊ ተፈንዩ

ሰሜን ኮርያ፡ ኣብ ዝሓለፈ ሓሙሽተ ዘካየደቶ ዝሓየለ ፈተነ ሚሳይል ኣመልኪታ፡ ካብ ጠፈር እተረኽቡ እዮም ዝበለቶም ስእልታት ፈንያ።

ፕዮንግያንግ ብሰኑይ ኣብ ዝፈነዎ ሓበሬታ፡ ማእከላይ ርሕቀት ናይ ዝጐዓዝ ባሊስቲክ ሚሳይል ፈተነ ምክያዳ ኣረጋጊጻ’ላ። እዚ ሚሳይል፡ ኣሽሓት ኪሎሜትራት ክጐዓዝ ዝኽእል ኮይኑ ንከም ጉዋም ዝበለ መሬት ኣመሪካ ክበጽሕ ከም ዝኽእል እዩ ዝግለጽ።

ሰሜን ኮርያ፡ ኣብ ቀረባ ዘካየደቶ ፈተነ ባሊስቲክ ሚሳይል፡ ኣብ ኣህጒራዊ ማሕበረሰብ ብዙሕ ስግኣት ፈጢሩ’ሎ። ኣብ ዝሓለፈ ወርሒ ጥራይ ፕዮንግያንግ፡ 7 ግዜ ፈተነ ሚሳይል ምክያዳን ካብ ጃፓን፥ ደቡብ ኮርያ ከምኡውን ኣመሪካ ከቢድ ኲነኔ ከም ዝበጽሓን ዝዝከር እዩ።