ብሰንኪ ቫይረስ ኮሮና ዘስዓቦ ቅልውላው፡ ናይ ሎሚ ዓመት ጽምብል ሽልማት ኖብል ከምዘይካየድ ኮሚቴ ኖብል ሓቢሩ።
ጽምብል ሽልማት ኖብል፡ 1956 ካብ ዝጅምር፡ ንፈለማ ግዜ ከይተጸምበለ ምውዓሉ ተፈልጡ ኣሎ።
ቅንያት ኖብል ናይዚ ዓመት፡ ብሰንኪ ቫይረስ ኮሮና ዘስዓቦ ቅልውላው ከምቲ ልሙድ ኣይክኸውንን እዩ። እዚ ዓመት’ዚ ፍሉይ ስለዝኾነ፡ ነፍሲ ወከፍና መስዋእቲ ክንከፍልን ምስቲ ዘሎ ኩነታት ክንወሃሃድን ከድልየና እዩ ክብል ሓላፊ ኮሚቴ ሽልማት ኖብል፡ ላርሽ ሃይክኒስቲን፡ ከምዝገለጸ መርበባት ሓበሬታ ሽወደን ኣቃሊሐን።
ቤተ-መዘክር ሽልማት ኖብል፡ ካብ ዕለት 03/07/2020 ጀሚሩ ንፈለማ ግዜ ካብ ወርሒ መጋቢት፡ ኣፍደጊኡ ንበጻሕቲ ከምዝኸፈተ ተፈሊጡ ኣሎ።
