ጽልዋታት በዓል ፋሲካ፡ ኣብ ቬስተርቡተን

ቅድሚ እዋን በዓል ፋሲካ ኣብ ዝነበረ ሰሙን፡ መጠን መልከፍቲ ለበዳ ኮሮና፡ ክውሕድ እኳ ተራእዩ እንተ ነበረ፡  ኣብ እዋን በዓል ፋሲካ ግን እቲ መጠን ከምእንደገና ከምዝዓበየ፡ ምምሕዳር ቬስተርቡተን (Västerbotten) ኣብ ዘካየዶ ጋዜጣዊ መግለጺ ሓቢሩ ክብል ማዕከን ዜና ተተ ኣቃሊሑ።

ኣብ ዝሓለፈ ሰሙን፡ ኣስታት 646 ሓደስቲ ዝተለኽፉ ሰባት ከምዝተረኽቡን እዚ ድማ ካብቲ ኣብ ቅድሚኡ ዝነበረ ሰሙን ብ 179 ምውሳኹ እቲ ጸብጻብ ሓቢሩ።

ኣብ ዝሓለፈ ሰሙን፡ መጠን መልከፍቲ ኮሮና ኣብ መላእ ሃገር ከምዝወሰኸን፡ ዕረፍቲ በዓል ፋሲካን ናይ ትምህርቲ ዕረፍትን ኣብ ምውሳኽ መልከፍቲ፡ ዓቢ ተራ ተጻዊቶም ክኾኑ ከምዝኽእሉን ኣብዚ ሕጂ እዋን ድማ፡ ንምስፍሕፋሕ ለበዳ ኮሮና ክነጉድል ዓቢ ስራሕ ይጽበየና ክብል ሓኪም ተመሓላለፍቲ ሕማማት፡ ስቴፋን ስተንማርክ፡ ኣብ ጋዜጣዊ መግለጺ ሓቢሩ።

እቶም ሓደስቲ ብኮሮና ዝተለኽፉ ሰባት፡ ብዘይካ ኣብ ክሊ ዕድመ 70ን ልዕሊኡን፡ ዘለዉ ሰባት፡ ኣብቶም ዝተረፉ ክሊ ዕድመ ከምዝተራእየ እቲ ጸብጻብ ብምውሳኽ ገሊጹ።