“ጸጥታዊ ኲነታት ሽወደን ይጋደድ ኣሎ”–ኣገልግሎት ድሕነት ሽወደን “ሳፖ”።

ኣገልግሎት ስለያ ሽወደን ሳፖ፡ ብሰንኪ ኣብ ቀረባ እዋን ዝተኻየደ መጽሓፍ ቊርኣን ዘቃጽል ሰልፊታት፡ ኩነታት ጸጥታ እታ ሃገር
እናኸፍአ ከም ዝመጸ ገሊጹ። ሽወደን ኲሉ ዓይነት ሓሳባትን ኣረኣእትያታን ተጸዋዊሩ ዝነብረላ ሃገር ተጌራ ክትረአ እኳ
እንተጸንሐት፥ ብሰንኪ እዞም ፍጻመታት፥ ኣብዚ ሕጂ እዋን ኣብ ገለ ክፋላት ዓለም ከም ጸረ ኣስላም ትረአ ኣላ ክትብል ኣብ ሳፖ
ምክትል ሓላፊት ኣሃዱ ጸረ ግብረሽበራ ሱዛና ትረሆርኒና ኣመልኪታ። ደረጃ ስግኣት ግብረሽበራ ኣብ ሽወደን ሕጂ’ውን ኣብ ቦትኡ
ምህላዉ፥ እኳ ደኣ ህሉው መዐቀኒታት ከም ዘመልክትዎ እቲ ስግኣት ምግዳዱ ዝሕብር እዩ ክትብል ኣተሓሳሲባ’ላ።