The number of openly unemployed people fell last week, according to the Swedish Public Employment Service Foto; Johan Nilsson/TT
ኣብ ዝሓለፋ ክልተ ኣዋርሕ፡ መጠን ሽቕለት ኣልቦነት፡ ሰሙናዊ ብ 0.1% እናጎደለ ምምጽኡ ካብ ቤት ጽሕፈት ኣርቤትስፎርሜድሊን ዝወጽእ ሰሙናዊ ጸብጻብ ሓቢሩ ክብል ማዕከን ዜና ተተ ኣቃሊሑ።
ኣብ ዝሓለፈ ሰሙን፡ 6200 ሰባት ስራሕ ኣልቦ ምዃኖም ክምዝገቡ እንከለዉ፡ 9600 ሰባት ድማ ናብ ስራሕ ወይ ድማ ቤት ትምህርቲ ከምዝተጸምበሩ እቲ ጸብጻብ ሓቢሩ።
ብመሰረት እዞም ኣሃዛት፡ ብዝሒ ስራሕ ኣልቦ ዝኾኑ ሰባት፡ ካብቲ ኣብ ቅድሚኡ ሰሙን ዝነበረ ቁጽሪ፡ ብ 5 ሽሕ ብምጉዳሉ ኣብ ዝሓለፈ ሰሙን እቲ ድምር 428400 ምብጽሑን ብሚእታዊት ክረአ እንከሎ ድማ ካብ 8.3% ናብ 8.2% ወሪዱ ኣሎ። መጠን ሽቕለት ኣልቦነት ኣብ መንእሰያት ድማ ካብ 10.7% ናብ 10.6% ምውራዱ እቲ ጸብጻብ ብተወሳኺ ገሊጹ።
