ጥርጡር ቀታል ጋዜጠኛ ናብ ሃገሩ ይጥረዝ

20 ዓመት ዝዕድመኡ ዓማጽን ቀታልን ጋዜጠኛ ቲቪ ቡልጋርያ ቪክቶርያ ማሪኖቫ፡ ካብ ጀርመን ናብ ቡልጋርያ ተጠሪዙ።

እታ 30 ዓመት ዝዕድመኣ ማሪኖቫ፡ ጥቅምቲ 6 ኣብ ናይ ቡልጋርያ ከተማ ሩሰ፡ ኣብ ሓደ መገዲ፡ ጥቓ ወሓዚ እያ ሞይታ ተረኺባ። ድሕሪ ሰለስተ መዓልቲ ድማ እቲ ጥርጡር ኣብ ጀርመን ተታሒዙ።

እቲ ቅትለት ምስ ሞያ ማሪኖቫ ወይ ምስ ካልእ ነገራት ምትእስሳሩ ርጉጽ ኣይኮነን።

እቲ ጥርጡር ንማሪኖቫ ከም ዝሃረማ ደኣምበር ከም ዝዓመጻን ከም ዝቐተላን ኣይተኣመነን። ኪቐትላ እውን መደብ ከም ዘይነበሮ ይገልጽ።

ናይ ቡልጋሪያ ኣኽባር ሕጊ፡ እቲ ነቲ ጥርጡር ቀሪቡሉ ዘሎ ክሲ ኣዚዩ ድልዱል ምዃኑ ይሕብር።