ገደብ ግዜ ክለሰ ሓሳባዊ ፈተና መምርሒ ፍቓድ መኪና (teoriprov) ክሳብ ወርሒ መስከረም ናይ ዝቕጽል ዓመት ከምዝተናወሐን ኣብ ዝሓለፈ ወርሒ መጋቢት፡ ብተመሳሳሊ መንገዲ፡ እቲ ገደብ ግዜ፡ ክሳብ ወርሒ መስከረም ናይዚ ዓመት’ዚ ከምዝናዋሕ ተገይሩ ምንባሩ ይዝከር ክብል ምምሕዳር በዓል መዚ መጓዓዝያ ገሊጹ ክብል TT ሓቢሩ።
ጠንቂ ናይዚ ምንዋሕ፡ በዓል መዚ መጓዓዝያ፡ ብሰንኪ ተኸሲቱ ዘሎ ቅልውላው ኮሮና፡ ንብዝሒ ፈተናታት ምዝዋር መኪና ብምጉዳሉ እዩ። እዚ ምንዋሕ ግዜ፡ ንብዙሓት ግብራዊ ፈተና ምዝዋር መኪና ዝገብሩ ሰባት፡ ዓቢ ዕድል ዝኸፍት እዩ።
እቶም ካብ 1 መጋቢት / 2020 ክሳብ 30 መስከረም / 2021 ዘሎ ግዜ፡ ክለሰ ሓሳባዊ ፈተናታት ገይሮም ዝሓለፉ ሰባት፡ ግብራዊ ፈተና ምዝዋር መኪና ንኽገብሩ፡ ናይ 6 ወርሒ ዕድል ክህልዎም ማለት እዩ። እዘን 6 ኣዋርሕ እንተድኣ ሓሊፈን እቲ ሰብ ከምእንደገና ክለሰ ሓሳባዊ ፈተና ክገብር ክግደድ እዩ።
