ሰብ ብምቕታል እተጠርጠሩን ፍርዶም እተቐበሉን ገበነኛታት ኣብ ስቶክሆልም ኣብ ዝርከብ ሕጋዊ መለማማዲ ተዂሲ–
“ፋየሪንግ ሬንጅ”- ምልልማድ ክገብሩ ምጽንሖም፥ ሰነዳዊ ምድላው ሬድዮ ሽወደን ኣቃሊዑ። ዝኾነ ዕድሜኡ ልዕሊ 18 ዝኾነ
ሰብ ኣብዚ ናይ ተዂሲ ርሕቀት ዝተፈላለየ ብረታት፥ እንተላይ ሸጋጒጥ ምትኳስ ክፍትን ይኽእል እዩ።
“ቀታሊ ወዲ ሓወቦይ ኣብዚ ቦታታት ኣስተርሕዩ ምትኳስ ይለማመድ ምንባሩ ምፍላጠይ ብሓቂ ኣሕዚኑኒ” ክትብል ኣብ 2018
ኣብ ስቶክሆልም ወዲ ሓወቦኣ ብጒጅለታት ገበን ክቕተል ዝረኣየት ዲየጎፍ ትገልጽ። ካልእ ብቕትለት እተኸሰ ኮተቴ፡ ከምኡ’ውን
ቅድሚ 10 ዓመታት ኣብ ሶደርታልየ ኣባል ጒጅለታት ገበን ኔሩ ብቕትለት እተኸሰን መንእሰይ፥ ኣብዚ ናይ ተዂሲ መለማመዲ
ማእከል ዓማዊል ምንባሮም እቲ ሰነዳዊ ፊልም ወሲኹ ኣቃሊዑ’ሎ።
እዚ ሕጋዊ ናይ መለማምዲ ማእከል፥ ዓማዊሉ ፍቓድ ምውናን ብረት ኣለዎም ድዮ፥ ከምኡ’ውን ኣብ ገበን ተሳቲፎምዶ
ኣይተሳተፉን ኣይሓትትን እዩ።
ወንነቲ እዚ ናይ ተዂሲ መለማመዲታት ኣብዚ ጒዳይ ርእይቶ ካብ ምሃብ ተቖጢቦም ኣለዉ።
