ዳምቤሪ . . . ኣንደርሾን መራሒት ሰልፊ ሶሻል ዲሞክራትና ንኽትከውን ድልየቱ ገሊጹ

ሚኒስተር ፋይናንስ ሽወደን፡ ማግዳሌና ኣንደርሾን፡ መራሒት ሰልፊ ሶሻል ዲሞክራትና ንኽትከውን፡ ሚኒስተር ውሽጣዊ ጉዳያት ሽወደን፡ ሚካኤል ዳምቤሪ፡ ድልየት ከምዘለዎ ኣብ ጋዜጣዊ መግለጺ ሓቢሩ ክብል ማዕከን ዜና ተተ ኣቃሊሑ።

ንሰልፊ ሶሻል ዲሞክራትና ንምምራሕ ሕጹይ ከምዘይኮኑ ክገልጽ ይደሊ። እቶም ዝፈልጡኒ፡ ነዚ መዝነት ከምዘይወዳደር፡ ኣቐዲመ ዝወሰንኩዎ ምዃኑ ይፈልጡ እዮም፡ ዝበለ ዳምቤሪ፡ ንሰልፊ ሶሻል ዲሞክራትና ክትመርሕ እትኽእል ብቕዓት ዘለዋ ሰብ ኣላትና፡ ንሳ ድማ ማግዳሌና ኣንደርሾን እያ። ንሳ፡ ኣብ ጽንኩር ኩነታት ናይ ምምራሕ ዓቕሚ ዘለዋን  ኣብ ውሽጢ ሃገር ጥራይ ዘይኮነ፡ ብዓለም ደረጃ ውን ብቕዓታ ዘመስከረት ሰብ እያ። ኣብ ኣገደስቲ ምርጫታት ውን ንኣባላት ሰልፊ ብሓድነት ጠርኒፋ ክትጓዓዝ እትኽእል ጓል ኣንስተይቲ እያ ክብል ገሊጽዋ።

ብዙሓት ወገናት፡ ዳምቤሪ፡ ንመዝነት መራሕ ሰልፊ ሶሻል ዲሞክራትና፡ ንማግዳሌና ክወዳደር ዝኽእል ሕጹይ እዩ ክብሉ ክገልጽዎ ምጽንሖም ይፍለጥ።