“ደቂተባዕትዮ ዝያዳ ፒሳ የህልኹ”–መጽናዕቲ “ፊኒሽ ባሮሚተር”

ፉዶራ ዝተባህለ ኣገልግሎት ምብጻሕ መግቢ፡ ኣብ መንጎ ደቂ ተባዕትዮን ደቂ ኣንስትዮን ዘሎ ፍልልይ ትእዛዝ መግቢ ንምግላጽ መጽናዕቲ ኣካይዱ። እቲ ዳህሳስ ከም ዘመልክቶ፡ ደቂ ተባዕትዮ ዝያዳ ተጠቀምቲ ናይቲ ብዓይነት ዝተዳለወ ፒዛ ክኾኑ እንከለዉ፡ ደቂ ኣንስትዮ ድማ ዝተፈላለዩ መግብታት ናይ ምስትምቓር ዝንባለ ከም ዘለወን ኣለልዩ’ሎ። ኣብ ጽድያ 2023 ብ ግሬት ፊኒሽ ፉድ ባሮሜተር” ንምርጫ መግቢ ክልቲኡ ጾታታት ኣመልኪቱ ዝተኻየደ ሰፊሕ መጽናዕቲ፡ ደቂ ኣንስትዮ ናብ ናይ ኣሕምልቲ ፓስታ፡ ሰላጣ፡ ሱሺን ህንዳዊ መግቢን ከም ዝጽጋዓ ኣረጋጊጹ። ብኣንጻሩ ደቂ ተባዕትዮ በርገር፡ ዝተጠብሰ መግቢ፡ ከባብን ፒዛን እዮም ዝመርጹ። ደቂ ተባዕትዮ ብምርጭኦም ዘስርሕዎ ፒዛን ከባብን ከም ዝእዝዙን፡ በርገር ከኣ ብኻልኣይ ደረጃ ዝበዝሐ ዝጥለብ መግቢን ምዃኑ የረጋግጽ። ደቂ ተባዕትዮ ካብ ደቂ ኣንስትዮ ብኣስታት 48% ባዕሎም ዘስርሕዎ ፒዛ ከም ዝእዝዙ እቲ መጽናዕቲ ኣጣሊሉ’ሎ። ብተወሳኺ ቀይሕ ስጋ ዘለዎ መግቢ ብፍላይ ኣብ ደቂ ተባዕትዮ ተፈታዊ እዩ። ኣብ ምሉእ ዓመት ብብዝሒ ዝእዘዙ መግብታት ፉዶራ፡ ብዓይነት ዝተዳለዉ ፒዛ፡ ድርብን ቺዝበርገርን ዝሓቖፉ ኮይኖም፡ ዓማዊል ጾታኦም ብዘየገድስ ዘስተማቕርዎም እዮም። ደቂ ተባዕትዮ ካብ ደቂ ኣንስትዮ ብ3% ጥራይ ዝያዳ ድርብ በርገር ክእዝዙ እንከለዉ፡ ደቂ ኣንስትዮ ድማ ካብ ደቂ ተባዕትዮ ዳርጋ 16% ዝበዝሐ ቺዝበርገር ምርጫአም ምዃኑ ጸብጺቡ’ሎ።