ኣብ ምብራቕ ኮንጎ-ኪንሻሳ ኣብ እትርከብ ኣቤምቢ እትበሃል ቁሸት፡ ብጉጅለ ADF ከምዝተፈጸመ ዝንገረሉ ደማዊ ህልቂት ከምዝወረዳ ጸብጻባት መንግስቲ ነቲ ብጂሊ ጎታቦ ዝተባህለ መራሒ ናይ ሓንቲ ኣብቲ ከባቢ እትርከብ ብሕታዊት ማሕበር ዝተዋህበ ሓበሬታ ኣረጋጊጹ። ኣብቲ ፍጻሜ፡ 46 ሰባት ክሞቱ እንከለዉ 2 ሰባት ከምዝቖሰሉ ተፈሊጡ።
ADF ኣብ ኦጋንዳ ዝተመስረተ ጥሩፍ እስላማዊ ጉጅለ ኮይኑ፡ ኣብዚ ሕጂ እዋን፡ ኣብ ስንጭሮታት ኮንጎ ኪንሻሳ ተሓቢኡ ኣብ ልዕሊ ነበርቲ እቲ ከባቢ ራዕድን ሽበራን ዝፈጥር ዘሎ ጉጅለ እዩ።
መጥቃዕታት ናይዚ ጉጅለ ካብ ግዜ ናብ ግዜ ይውስኽ ምህላዉ፡ ሕነ ናይቲ ብወተሃደራት ኮንጎ ዝወርዶ ዘሎ መጥቃዕታትን፡ ኣብ ኡጋንዳ ዝካየድ ዘሎ ኣካታዒ ዝኾነ ምርጫን ክኸውን ከምዝኽእል ተንተንቲ ይሕብሩ።
