ዩክሬይን፡ ብሰንበት ጥራይ ልዕሊ 5,000 ሰባት ብ ሰብኣዊ ኮሪደራት ክወጹ ተጌሮም። 

ብሰንበት ብጠቕላላ 5,208 ዩክሬናውያን ብ ሰብኣውያን ኮሪደራት ኣቢሎም ምውጽኦም ካብ ቤት ጽሕፈት ፕረሲደንት ቮሎድሚር ዘለንስኪ እተረኽበ ኣሃዛት ኣመልኪቱ።.

ካብዞም ዝወጹ 5,208 ዩክሬናውያን ክልተ ብጽኑዕ ዝቖሰሉ ህጻናት ከምኡ’ውን ኒሞንያ ዝሓመመ ዕሸል ከም ዝርከብዎም ምክትል ጸሓፊ ቤት ጽሕፈት ፕረሲደንት ኪርሎ ቲሞሼንኮ ን CNN ኣብ ዝሃቦ ሓበሬታ ኣመልኪቱ። 

እዞም ዩክሬናውያን ብዓሰርተ ሰብኣውያን ኮሪደራት ኣቢሎም ምሉእ መዓልቲ ክወጹ ከም እተገብረ ን ምክትል ቀዳማይ ሚኒስተር እታ ሃገር ኢሪና ቨረሽቹክ ብምጥቃስ ክዪቭ ኢንደፐንደንት ዝተባህለት ጋዜጣ ዩክሬይን ኣመልኪታ። 

ካብዚኣቶም እቶም 4,331 ካብታ ብሰራዊት ሩስያ ተኸቢባ ዘላ ወደባዊት ከተማ ማርዮፖል ዝመጹ ኮይኖም ሕጂ ናብታ ኣብ ሰሜናዊ ምዕራብ እትርከብ ከተማ ዛፖሪዥያ በጺሖም ምህላዎም እታ ጋዜጣ ወሲኻ ገሊጻ።