ዩክሬናዊት ስደተኛ ናይ ኣርት ኤግዚቢሽን ኣቕሪባ።

ኣብ ስቶክሆልም ቤተመዘክር “ሮያል ኣርመሪ” ብዩክሬናዊት ስደተኛ እተዳለወ ናይ ኣርት ኤግዚቢሽን ተኸፊቱ። ኣብቲ ምድላው
“ቤትና’ ዘርእሰቱ ብሕብርታት ወተሃደራዊ ክዳን እተቐብአ ገመዳት ንምርኢት ቀሪቡ። እዚ ብ ሉድሚላ ክሪስተሰቫ ዝቐረበ
ምርኢት፡ ኣብ ዝሓለፈ ጽድያ እውን ከም ግብረ መልሲ እቲ ኲናት ተራእዩ ምንባሩ ሬድዮ ሽወደን ጸብጺባ’ላ። ዕላማ እዚ ናይ ኣርት
ኤግዚቢሽን፡ ን ስድራቤታት ሽወደንን ዩክሬይንን ብ ኣርት ኣቢልካ ንምቅርራብ ምዃኑ፡ እታ ሬድዮ ወሲኻ ገሊጻ’ላ።
“ኣብዚ ናይ ኣርት ኤግዚቢሽን ዝቐረቡ ብሕብርታት ወተሃደራዊ ክዳን እተቐብኡ ገመዳት፡ ኣብ እዋን ኲናት ማሽናትን ሰባትን
ንምሽፋን ይውዕሉ ብምህላዎም፡ ኣገደስቲ እዮም” ክትብል ኣርቲስት ሉድሚላ ክሪስተሰቫ ኣመልኪታ።