ዝበዝሑ ሽወደናውያን ናይ ዕረፍቲ ግዜኦም ኣብ ቤቶም ከሕልፍዎ ይመርጹ

ኣብዚ ዓመት፥ ሽወደናውያን ናይ ዕረፍት እዋናት ኣብ ዓዶም ከሕልፍዎ ከም ዝመርጹ ትካል ምቕባል ኣጋይሽ –ቪሲታ– ገሊጹ።
ምኽንያት ናይዚ ምርጫ ምድኻም ባጤራ ሽወደን ክሮናን ልዑል ዝቕባበን እዩ ተባሂሉ’ሎ።
"ናፍታ ኣዝዩ ስለ ዝኸበረ ከም ልብና ክንጓዓዝ ኣይንኽእልን ኢና" ክትብል ሓንቲ ጓል ኣንስተይቲ ብዛዕባ ናይ በዓል መደባታ ን
ሬድዮ ሽወደን ገሊጻ’ላ። ኣብ ሰሜን ጋቭለ ወናኒ መዘናግዒ ማእከል ቦልናስ ዝኾነ ፓትሪክ ክርስቲያንሰን ብወገኑ፥ ብሰንኪ ልዑል
ዋጋ ነዳዲ ሰባት ነዊሕ ርሕቀት ንምጉዓዝ ይሽገሩ ምህላዎምን፥ ኣብ መዘናግዒ ማእከላት ንነዊሕ እዋን ከምዝጸንሑን ን ሬድዮ
ሽወደን ሓቢሩ’ሎ ።