ኲባንያታት ሽወደን ኣብ ሩስያ ዝነበረን ስራሕ ደው የብላ።

ኣብ ሩስያ ዝዓያ ዝነበራ ኲባንያታት ሽወደን ድሕሪ ዝወረደን ነቐፌታ ብግዜያውነትን ንሓዋሩን ስርሐን ክዓጽዋ ከም ዝወሰና ይግለጽ ኣሎ።

ሓደ ካብዚኣቶም እቲ ገዚፍ መፍረ ኣቕሑ ዕንጸይቲ ዝኾነ Ikea ኮይኑ ኣብ ሩስያን ቤላሩስን ዝጸንሖ ስራሕ ክዓጹ ወሲኑ’ሎ። እዘን ኲባንያታት ኣብዚ ውሳነ ዝበጽሓ ድሕሪ ቅሉዕ ወራር ሩስያ ኣብ ልዕሊ ዩክሬይን ኣብ ሩስያ ከመይ ኢለን ስራሕ ይቕጽላ ዝብል ሰፊሕ ናይ ማሕበራዊ መራኸቢ ብዙሃን ነቐፌታ ክወርደን ብምጽንሑ ምዃኑ ሓቢረን ኣለዋ።

ብቕድሚ ትማል ረቡዕ እውን ዱካን ፋሽን H&M ናብ ሩስያ ዝገብሮም ኲሎም መሸጣታት ኣልባሳት ደው ከብሎ ምዃኑ ምግላጹ ዝዝከር እዩ። በተመሳሳሊ ናይ ድምጺ መሳርሒታት ዝሸይጥ ስፖቲፋይ እውን ኣብ ሩስያ ዝነበረ ጨናፍሩ ንሓዋሩ ክዓጽዎም ምዃኑ ኣፍሊጡ’ሎ።