ክታበት ኮቪድ፡ ንኹሎም ወተሃደራት ኣሜሪካ፡ ብግዴታ ክወሃብ እዩ

ኩሎም ኣብ ሰራዊት ኣሜሪካ ዘገልግሉ ወተሃደራት፡ ክታበት ኮቪድ ክኽተቡ፡ ግዴታ ክኸውን ምዃኑ ሚኒስተር ምክልኻል’ታ (Defense Secretary) ሃገር፡ ሊሎይድ ኦስቲን፡ ወሲኑ ክብል ማዕከን ዜና ተተ ሓቢሩ።

ኣብ ዕለት 15 መስከረም፡ እዚ መደብ መስርሕ ክታበት፡ ብቐጻልነት ኣብ ተግባር ውዒሉ ንኽርእይ፡ ኦስቲን፡ ድሌት ከምዘለዎ ገሊጹ።

ፕረዚደን ኣሜሪካ፡ ጆ ባይደን፡ ነዚ ውሳነ ብሓጎስ ከምተቐበሎ ድሕሪ ምግላጹ፡ ኣነን ኦስቲንን ካብ ንሰማማዓሎም ጉዳያት፡ ኩሎም ኣባላት ሰራዊት ኣሜሪካ፡ እቲ ካብኦም ዝጥለብ ንኽዓሙ ምእንቲ፡ ዘድልዮም ነገራት ክቕረበሎምን ውሑስ ዝኾነ ባይታ ክፍጥረሎምን ከምዝግባእ እንኣምነሉ መርገጺ እዩ ክብል ገሊጹ።